ئایا دوو ئیدارەیی لە باشوور خراپە؟
ئایا دوو ئیدارەیی لە باشوور خراپە؟
https://drive.google.com/file/d/1oXRgnOc0VT_yrKLkOOXc7QMiVVSdquHb/view?usp=sharing
زۆنی سەوزی سلێمانی دەتوانێت مۆدێلێکی جیاواز، دەستپاک،
مۆدێرن، پێشکەوتنخواز و دێموکراتیک دابمەزرێنێت.
بەڵام ئەم کارە مەرجێکی هەیە: یەکێتیی نیشتمانی دەبێت لە
دز و گەندەڵ و لایەنگری پارتی و خۆفرۆش پاک بکرێتەوە و بگەڕێتەوە بۆ یەکێتییەکەی
پێش ١٩٩١.
دەستووری عێراق سیستەمی فیدراڵی بۆ هەرێمەکان بە ڕەوا
ناسیوە، و سلێمانیش دەتوانێت بە پشتبەستن بەو دەستوورە وەک هەرێمێکی سەربەخۆ، بە
تەواوی دوور لە دەسەڵاتی بنەماڵەی بارزانی، خۆی ڕێک بخات.
بە بڕوای من دەبوایە ئەم کارە سی ساڵ لەمەوبەر کرابایە،
چونکە دەسەڵاتی بنەماڵەی بارزانی لەسەر سیستەمێکی عەشایەری، تاڵانچی و کۆنەپەرەست
دامەزراوە، و هەمیشە گرێدراوی داگیرکەران و ئەو دەوڵەتانە بووە کە نەیاری کورد و
کوردستانن و دەیان کارەساتی بە سەر خەڵکی کورد هێناوە.
نموونەی هەرە ڕوونی ئەمە کارەساتی ساڵی ٢٠١٤ بوو، کاتێک
١٥ هەزار پێشمەرگەی پارتی لە بەرامبەر تەنها ٥٠٠ چەتەی داعشدا بێ تەقاندنی یەک
فیشەک پاشەکشەیان کرد. ئەم هەڵاتنە بووە هۆی کۆمەڵکوژکردنی دڕندانەی هەزاران کوردی
ئێزدی، و ٦٤٠٠ کچ و ژنی کورد بە دیل گیران و لە بازاڕی کۆیلایەتیی سێکسیدا کڕین و
فرۆشتنیان پێوە کرا.
ئەگەر یەکێتی و زۆنی سەوز کۆتایی بە پاشکۆیەتیی خۆیان
بهێنن و لە بنەماڵەی بارزانی جیا ببنەوە، ئیتر ئەو بنەماڵەیە ناتوانێت بە ئارەزووی
خۆی خەڵک تووشی کارەسات بکات.
یەکێتییەکی پاکسازیکراو دەتوانێت لە سلێمانیدا سیستەمێکی
پێشکەوتنخواز و دادپەروەر دامەزرێنێت. دوای چەند ساڵێک خەڵکی هەولێر و بادینانیش
چیتر سیستەمی عەشایەریی بارزانی قەبووڵ ناکەن و داوای هەمان سیستەم دەکەن، یان
دەیانەوێت تێکەڵ بە سلێمانی ببن. بەم شێوەیە دەسەڵاتی عەشایەری و تاڵانچێتی کۆتایی
پێ دێت.
هاوپەیمانییە
پووچەکان
خۆتان داوەری بکەن: ئایا ڕەوایە ئەمانەی خوارەوە لەگەڵ
یەک هاوپەیمان بن؟
١. مامە ڕیشە لەگەڵ تەحسین شاوەیس (تەحسین شاوەیس
کرێگرتەی سەدام و بارزانی و بکوژی مامە ڕیشە بوو).
٢. سلێمان موعینی و خەلیل شوباش لەگەڵ قالە تەگەرانی،
سدیق ئەفەندی و عەبدولوەهاب ئەتڕووشی (ئەم سێ کەسەی دوایی بکوژی کاک سلێمان
موعینی و خەلیل شوباش بوون).
٣. ئیسماعیل شەریف‌زادە لەگەڵ «کوێخا شەریف»
(کوردێکی جاسووس کە بووە هۆی شەهیدبوونی کاک ئیسماعیل).
٤. سەردەشت عوسمان، سۆران مامە حەمە، ڤیداد حوسێن و
جیهان تەها لەگەڵ مەسرور بارزانی (مەسرور بارزانی سەرۆکی دەزگای پاراستنە؛ ئەم
چوار ڕووناکبیر و چالاکەی تیرۆر کردووە).
٥. عەلی عەسکەری، دکتۆر خالید و حوسێن باباشێخ لەگەڵ
ئیدریس و مەسعود بارزانی، سامی عەبدولڕەحمان، فازڵ میرانی و کەریم سنجاری (سێ
کەسی یەکەم لە ساڵی ١٩٧٨ لە کارەساتی هەکاری بە دەستی پێنج کەسی دواتر ئیعدام
کران).
٦. دکتۆر شوان و سەعید ئاڵچی لەگەڵ مەلا مستەفا
بارزانی (ئەم دووانە بە فەرمانی مەلا مستەفا و دەزگای پاراستن تیرۆر و ئیعدام
کران).
٧. ١١ خوێندکاری شیوعی لەگەڵ عیسی سوار (عیسی سوار
یەکێک لە فەرماندەکانی مەلا مستەفا بوو لە شۆڕشی ئەیلوولی ١٩٦١–١٩٧٥؛ ئەو ١١
خوێندکارە شیوعییە کە لە یەکێتیی سۆڤیەتەوە گەڕابوونەوە، هەر یازدەکەیان لەلایەن
عیسی سوارەوە کوژران).
٨. دیار غەریب و زەکی شنگالی لەگەڵ GPSدانەرانی باشور (ئەم دووانە و دەیان
ڕووناکبیر و چالاکی سیاسیی دیکە لە دوو دەیەی ڕابردوودا بوونە قوربانیی هاوکاریی
پارتی دیموکراتی کوردستانی عێراق لەگەڵ فڕۆکە بێفڕۆکەوانەکانی تورکیا).
شاعیری گەورە، عەبدوڵڵا پەشێو
دەڵێت:
وەرن خەڵکە!
خەنجەر هەیە زام تیمار کا؟
ڕاوچی هەیە نەچیر نەخوا؟
دە لە داربەڕوو بپرسن
تەوری دیوە داربڕ نەبێ؟
دە لە کەرێکیش بپرسن
گورگی دیوە کەردڕ نەبێ!؟
تەوری برای داریش هەیە؟
ماری شیرین ژاریش هەیە؟
قەحپەن ئەوانەی پێم دەڵێن:
خوێن و زێروو برای یەکن
قەحپەن ئەوانەی پێم دەڵێن:
ماسی و چەنگاڵ، مشک و جەواڵ،
دەست و چزوو برای یەکن؟
نظرات
ارسال یک نظر