بۆ قەومچیە کوردەکانی دوشمنی هاوژیانی گەلان
بۆ قەومچیە کوردەکانی دوشمنی هاوژیانی گەلان
نوسخەی PDF
لە شۆڕشی «ژن، ژیان، ئازادی»ی ٢٠٢٢دا، فارس و گشت گەلانی ئێران لە شەقامەکانی تاران، مەشهەد، ڕەشت، ساری، زەنجان، ئیسفەهان و… هاواریان دەکرد: «ژینا خوشکی ئێمەشە - ژن، ژیان، ئازادی». دەگیران و دەکوژران، ئێستاش سەدان کەسیان لە زیندانەکاندا حەبسی ئەم هاودەردییەن.
هونەرمەندان و سینەماکاران بە کورتکردنەوەی قژی
خۆیان و تاتۆکردنی دروشمی «ژن، ژیان، ئازادی» -تەنانەت بە زمانی کوردیش- لەسەر
جەستەیان، هاودەردیی خۆیان پێشان دەدا. بەڵام تۆی دەروێشی بنەماڵەی بارزانی، کەم
ژەهری دوژمنایەتیی گەلانت ڕژاندە ناو شۆڕشی ژن، ژیان، ئازادی؟ با وەبیرت بێنمەوە؛
بڕوانە سکرینشاتی تێلێگرامێکت لە یەکەمین ڕۆژەکانی شۆڕشی ژینادا:
ئێستا تۆی کوردی دواکەوتووی کوردایەتیی
دەرەبەگی، هەر دوژمنایەتیی دروشم و فەلسەفەی پێکەوەژیانی گەلان دەکەیت. دەزانم
ناسیۆنالیزم و ڕەگەزپەرستی نەخۆشییە، بۆیە دەزانم هیچ هەستت نەجوڵاوە و شەرمەزار
نیت بەرامبەر ڕژانی خوێنی گەلانی ئێران کە هێشتا بەو دروشمە خوێنیان دەڕژێت کە
دەڵێن: «نامووسی تۆی کورد، نامووسی ئێمەشە».
بەڵام تۆ تا ئێستا چیت چنیوە؟ تەنیا و تەنیا ژەهر دەڕێژی و دەڵێی: «نەخێر بۆ برایەتیی
گەلان، نەخێر بۆ ئاشتیی بەکەرامەت و پێکەوەژیانی گەلان».
لای نەخۆشێک بووم و دەمشێلا؛ باسی ئەرز و ئاسمانم بۆ دەهۆنییەوە، بەڵام ههر
دهیگوت:«ئای ئازارم هەیە». ئەو هەر باسی نەخۆشییەکەی خۆی دەکرد؛ ئەو ڕاست بوو،
بەڵام من هەڵە بووم، چونکە ئەو بەڕاستی نەخۆش بوو. تۆش نەخۆشیت، بۆیە باسی ئەرز و
ئاسمانت بۆ بکرێت، سەرەنجام هەر دێیتەوە سەر باسی نەخۆشییەکەت کە کوردایەتیی
دیوەخانەیە.
جیاوازیی تۆ و ئەو نەخۆشەی کە من دەمشێلا
ئەوەیە؛ ئەو دەیزانی نەخۆشە، بۆیە بێزیان بوو، تۆ نەک نازانیت نەخۆشیت، بەڵکو
دەتەوێت نەخۆشییەکەت بگوازیتەوە بۆ هەموو خەڵکیش؛ ئا ئەوەیە کە زیانت زۆرە.
تۆ بتەوێت یان نەتەوێت، من مرۆڤم خۆش دەوێت،
ئاژەڵانم خۆش دەوێت، ئاو و ئاگر و ئەرز و ئاسمانم خۆش دەوێت و بانگەشەشی بۆ دەکەم.
گەلی فارس، بەلووچ، عەرەب، ئەفریقی و ئەمازۆنیم خۆش دەوێت؛ من دۆستی گەلانم و تۆش
دوژمنی گەلان و دۆستی دەسەڵاتەکانیان. هیوادارم بەم نەخۆشییە نەمریت و بتوانی هێزی
خۆت بخەیتە خزمەتی گەلی خۆت؛ لە جیاتی دوژمنایەتیی «ژن، ژیان، ئازادی» و برایەتیی
گەلان، دوژمنایەتیی داگیرکەران بکەی.
بەڵام خۆت فریو مەدە، دوژمنایەتیی داگیرکەران
لەژێر ئاڵای نۆکەرانی داگیرکەرانی کوردستان (بنەماڵەی بارزانی)دا
ناکرێت. سڵاوات لێدان لە دیداری بارزانی هیچ پەیوەندییەکی بە تێکۆشانی نەتەوەیی و
نیشتمانیی کوردستانەوە نییە. بنەماڵەی مەرجەعی تەقلیدیی تۆ، بە درێژایی ٧٠ ساڵی
ڕابردوو، بۆ گشت داگیرکەرانی کوردستان کوردیان کوشتووە و دەکوژن.
بڕوانە لیستێکی بچووکی شەهیدانی دەستی
مرۆڤکوژانی بنەماڵەی بارزانی: کاک سلێمان موعینی، دکتۆر شوان، سەعید ئاڵچی، عەلی
عەسکەری، دکتۆر خالید، حوسێن باباشێخ، سدیقی ئەنجیری، خەلیل شەوباش، ساڵح لاجانی،
دڵشاد ڕەسوڵی، مەلا ڕەحیم وێردی، سۆرانی مامە حەمە، مامۆستا جیهان تەها، سەردەشت
عوسمان، دکتۆر سیروان، بێریتان و سەدان تێکۆشەری چوار پارچەی کوردستان. شەرم نییە
دیسان وەک جاران هەر ڕێڕەوی ئەم کوردایەتییە بۆگەنە بیت؟
«محەمەد ماغووت» دەڵێت: «ئازادکردنی عەقڵی
عەرەبی لە ئازادکردنی فەلەستین قورسترە». منیش دەڵێم: ئازادکردنی عەقڵی کوردیی
گۆشکراو بە عەشیرەتگەری و کوردایەتیی دیوەخانەی شێخ، ئاغاوات و حیزبە نەریتییەکان،
لە ئازادکردنی عەقڵی عەرەب سەختترە.
پەراوێز و سەرچاوە:
1- ڕۆژی ٢٦ی خەرمانانی ١٤٠١ لە سەر
گۆڕستانی ئایچی سەقز لایەنگرانی کوردایەتی دیوەخان نە تەنیا دەنگی خۆیان تێکەڵی
جەماوەر نەکرد بۆ گوتنەوەی دروشمی "ژن ژیان ئازدی" ، بەڵکە بۆ لابردن
یان کەم ڕەنگ کردنەوەی ئەم دروشمە، دروشمێکی ئابڕووبەرانە و پڕ لە دووبەرەکی و
دوشمنکاریان دەگووتەوە: "داگیرکەری ئێرانی، قاتڵی ژینامانی"https://youtu.be/MlGhuPdrqD8?si=GhuzO9VZ9WmclTGG
2- شعار حمایتی معترضان در شهرک چیتگر، «مهاباد، کردستان،
چشم و چراغ ایران»؛ ۲۹ آبان 1401 https://youtu.be/AbXBlotUFZU?si=5exAft2JSBlzfnRe
3- حمایت معترضان در مشهد با شعار: «مهاباد، کردستان، چشم و چراغ ایران»؛ ۳۰ آبان. https://youtu.be/DIDXr4pbGeI?si=guAG2rUq4HLjD51t
4- بۆ زانیاری زیاتر لە سەر هاودەردی
و هاوخەباتی گەلانی ئێران لە گەڵ کورد بڕوانە ئەم لینکە https://enqelab.info
5- بۆ خەسارناسی کوردایەتی نوێدەرەبەگایەتی بڕوانە: https://asoroj.blogspot.com/2024/11/blog-post_87.html
نظرات
ارسال یک نظر