چۆن شانازیت پێوە بکەم کوردایەتی؟
چۆن شانازیت پێوە بکەم کوردایەتی؟
لێرە کلیک بکە بۆ دابەزاندنی فایلی پی دی ئێفی وتارەکە 👈PDF
تێبینی
ئەم کوردایەتیە قیزەونەی کە بە
گژی داهاتوم کوردایەتیەکی هەلقوڵاوی میر، دەرەبەگ، شێخ، سەرۆک خێڵ، بازەرگانە گرێدراوەکانی
داگیرکەران، شایەر، قەڵەمفرۆش و کۆمەڵانی گەوجێنراوی ڕەعیەت سفەت و خۆ بە کەمزانی مێشک
کۆیلەی کۆنەپەرەستە کە ٢٥٠٠ ساڵە خوی بە ژێر دەستەیی و نۆکەری گرتوە.
حیماسە
خوڵقێنەرانی کۆبانێ و ژن، ژیان،ئازادی و بناغەدانەرانی کۆمەڵەی ژ.کاف و شۆڕشگێڕانی
١٩٦٧ی ڕۆژهەلات و کەسایەتیە بەشەرەفەکانی کوردەواری لە ڕەگەزێکی دیکەن.
...
من
کوردم و لە ڕۆژهەڵاتی کوردستان دەژیم
زۆرم
پێ خۆش بو چەند دێڕێک بنوسم لە مەدحی کورد و کوردایەتی
ڕۆچومە
قوڵایی مێژوو
هەمو
قوژبن و کەلەبەرێکم پشکنی
ئەوەی دیتمەوە جێگای شەرم بوو، نەک شانازی و شکۆ...
گەلێک
کە بە خەیانەتی هارپاگ دەوڵەەتی ماد ڕادەستی کورۆش دەکات
گەلێک ناوی
ئاستیاگ[1]
ئەکاتە زوحاک و ماری لە سەر شان دەڕوێنێ و هارپاگ دەکاتە کاوەی ئاسنگر
گەلێک
کە ئاریوبەرزەنەکەی کوردێک بە کوشتی ئەدات
گەلێک دوای کەریمخانی زەندی بە شەڕی براکوژی و
خەیانەت چارەنوسی خۆی ڕادەستی قاجاڕ دەکات؟
گەلێک
گەورەترین سەرداری مێژوی سەلاحەدینە
سوڵتانێک
کە سەد هەزار لاوی کوردی کردە قوڕبانی ڕزگاری قودس
لە میسر دەوەڵەتی بۆ عەڕەب دانا، بەڵام بۆ گەلی خۆی بەردێکی
لەسەربەرد دانەنا
بە فتوای هێندێک مێزەربەسەری مێشک برشاوی مفتەخۆر، گەورەترین
فیلسوفی مێژوی کوردی(شێخ شەهابەدینی سورەبەردی) خنکاند.
ئەو
گەلەی کە خەلیفەی ئەمەوی هاتە سەر حوکم بوو بە مەوالی
کە
عەباسیەکان هاتن پێنسەد ساڵ بوو بە غولامی خەلافەت
کە
ئالی عوسمان هات چوارسەد ساڵ بوو بە سوخرەکێشی تورک
لە
شەڕی مەلازگرد دا بیزانسی خاوەن شارستانیەتی ڕۆمی بۆ تاڵانچیانی تورکانی سەلجوقی
تێکشکاند(١٠٧١ی زایینی)
لە
داگیرکاری قوستەنتەنیە و باڵکان هەزاران لاوی خۆی کردە قوڕبانی، تا کیژی چاوشین و
قژکاڵی ئوروپایی بۆ ئاغا تورکەکانی بە غەنیمەت بگرێ و لە تاڵانی گەلانی دیکە دا
بەرماوەکەی وەبەر کەوێ و سڵاوات لە دیداری خەلیفەی خوێنخۆر لێدات(١٤٥٣)
شا
عەباسی سەفەوی دەستی زێڕینی بۆ ئەمیرخانە کوردەکەی ورمێ ساز کرد و کردی بە میری هەموو
ویلایەتی ورمێ. بەڵام خانی ساویلکە بە وەعدەی خەلیفەی عوسمانی بۆ سەربەخۆیی فریوی
خوارد و لە شا یاغی بوو. شەش مانگ شەڕی خۆتڕێنی شاعەباسی کرد. بەڵام خەلیفەی
ئیسلام بە درۆزن دەرچو و هیچ لەشکرێکی بۆ یارمەتی خانی لەپزێڕین نەنارد.
لە
ئاکام دا قەڵای خان گیرا و کورد قەتڵ و عام کران و ئەوەی مابون لە زێدی باب و
باپیران دەرکران بۆ خوڕاسان و تورکی ئەفشاریان لە جێی کوردان چەقاند و ورمێی
کوردستان بوو بە تورکستان.
شاعەباسی دڵ پڕ لە قین موکری قڕانیشی خستە سەر
تاوانەکانی و لە مەراغە تا میاندواو کە مەوتەنی کوردان بوو، کردی بە
تورکستان.(١٦٠٨)
ئێستاش
دوای ٤٠٠ ساڵ برینی قەڵای دمدم و موکری قڕانم ساڕێژ نەبۆتەوە و پانتورکەکان بە
پشتیوانی تورکیا داوای پێنج شارەکەی دیکەی ئازەربایجان
دەکەن(مەهاباد،شنۆ،خانێ،سەردەشت،بۆکان)
گەلی
کوردم لە شەڕی جیهانی یەکەمدا بوو بە موجاهیدی ئیسلام و نیو ملیۆن جەماوەری خۆی کردە قوربانی پاشماوەی
خەلافەتە بۆگەنەکەی عوسمانی، لە کوشتار و تاڵانی ئەرمەنیەکان دا کەواسوری بەر
لەشکری تورک بوو و تەنیا شێخی زانا و ڕووناکبیری خۆی(شێخ بابا سەعید بەرزەنجی
غەوساباد) بە دەستی تورکی عوسمانی خنکاند[2]
ئەو
گەلەی باشترین هەلی مێژوویی بۆ سەربەخۆیی کوردستان کردە قوڕبانی ئاغا تورکەکانی (١٩٢٣-١٩١٨)
ئەو
گەلەی لەم پێنج ساڵە زێڕینە دا کە ئیمپڕاتۆری عوسمانی داڕووخابوو، لە جیاتی ئەوەی شەڕ بۆ سەربەخۆیی کوردستان بکا،
بوو بە دوو دەستە:
دەستەیێک خەریکی زیندوو کردنەوەی خەلافەت بون و
دەستەکەی دیکە بونە نۆکەر و چەکداری ئەتاتورک و پێنج ساڵ شەڕی ئەرمەنی، یۆنانی و ڕۆمی
لۆ کرد. دوایەش کە ئەتاتورک کاری پێنەمان، زمان و ناسنامەکەشیانی لێ قاچاغ کردن و
ناوی نان تورکی کێوی!
گەلێک
شێخانی کۆنەپەرەست و قازی فەتاحی سابڵاغی
پێشەوا و مەرجەعی بن، ئەمانیش مریدی خەلیفەی تورک بن، چارەنوسی هەر ئەوە
دەبێ کە لە ١٩١٦ ببنە جاشی سپای عوسمانی و جیهادی کافران بکەن و چەند ڕوسێک بکوژن
و دوایەش ڕووسەکان بۆ تۆڵە کردنەوە ٧٠٠٠ کەس لە کۆی ١٤٠٠٠جەماوەری سابڵاغ بکوژن...
گەلێک
بەناوبانگترین ڕێبەری ئۆستورەیی مەلا مستەفا بێت!
ئەو
سەرۆک خێڵەی ساواک کردی بە ڕێبەری ئاغاکانی ڕاپەڕیو دژی ئیسلاحی زیراعی و
کۆمەڵایەتی عەبدولکەریم قاسم و نازناوی ڕێبەری نەتەوەیی کوردیان خستە سەر ملی تا
خۆی و کوڕ و کوڕەزاکانی بۆ سەد ساڵ ببنە هۆرەی خۆماڵی لە ناو جەستەی کورد دا
ڕێبەرێک کە
ڕوانگەی بۆ نیوەی کۆمەگا(ژنان) لەم کورتە دێڕە دا فۆرمولە کردبو: «ژن
دەبێ نانێ خۆ بکا، دەفرێ خۆ بشوا، گانێ خۆ بدا»
ڕێبەری میوان کوژ کە دوکتور شوان، سەعید ئاڵچی، سلێمان
موعینی، خەلیل شەوباش، سەدیقی ئەنجیری، سالح لاجانی، دڵشاد ڕەسوڵی و دەیان
تێکۆشەری دیکەی بۆ تورکیا و شای ئیران کوشت...
گەلێک
کە مەسعودی کوڕی مەلامستەفا بە کارنامەیێکی ڕەشتر لە باوکی کرد بە سەرۆک تا باشور
بکاتە هەرێمی زۆنگ و زەل
سەرۆکێک خاوەنی سەدان خەیانەتی نەتەوەیی بێ
باسی کامه خەیانەتی بکه م؟
کارەساتی هەکاری و کوشتاری و 700 پیشمه رگه ی یه کیه تی؟
کوشتنی سەدان پێشمەرگەی دێموکڕات و کۆمەڵە له روژ هەڵات؟
داسەپاندنی
شەڕی براکوژی بە سەر یەکیەتی بە هاوکاری ئێران، تورکیا و سەدام و کارەساتی ٣١ی
ئابی ١٩٩٦ ، و کوژرانی ١٢٠٠٠ جەنگاوەری کورد؟
کۆمەڵکوژی
٨٠ گەریلای بریندار و ڕۆژنامەوان و کادری دەرمانی بێدیفاع لە هەولێری ٩٧![3]
بە
کوشت دانی 3000 پێشمەرگە لە شەڕی هاوبەش لە گەڵ لەشکری تورک بۆ
پاکسازی قەندیل لە گەریلا؟[4]
داخستنی
دەروازەی سیمالکا و لێدانی خەندەک بۆ خنکاندنی شۆڕشی ڕۆژئاوا؟
ڕادەست
کردنی شەنگاڵ، کچان و ژنانی ئیزەدی بە داعش؟
گرێبەستی نەهێنی ڕادەست کردنی سامانی سەر زەوی و ژێر زەوی
باشور بە ئەردۆغان قاتڵی کوردان؟
تیرۆری ده یان ڕۆژنامەنوسی بوێری وەک سۆرانی مامە حەمە،
سەردەشت عوسمان و ویداد حوسێن؟
بە
پێشمەرگەی کوردستان شانازی بکەم؟
به
و 15000 پێشمەرگەی کە لە سێی ئابی ٢٠١٤ لە بەرانبەر هێرشی
٥٠٠ چەتەی چڵکنی داعش بێ تەقاندنی یەک فیشەک لە شەنگال تا هەولێر هەڵاتن و ٦٣٠٠ کچ
و ژنی کوردیان بۆ جێ هێشتن تا بکرێنە کەنیز و کۆیلەی سێکسی لەشکری تاریکی، جەهل و
جەنایەت؟[5]
تۆ
پێم بڵێ بێجگە لە بێشەڕەف چۆن وەسفی ئەم پێشمەرگانەت بۆ بکەم؟
خۆت
چ ناوێک لە سەر ئەم گەلە دادەنێی کە لای ئاسایی بێت هەر داعشێک بتوانێ ٣٠ پێشمەرگە
لە شەنگال تا هەولێر ڕاو بنێت و لێپرسینەوە لە هیچ فەرماندە و دەرماندەیێکیش
نەکرێت![6]
گەلێک
ڕوناکبیری وەک سەلاحی شەمسی بورهانی بە دەستی چوار لۆمپەنی هەڵگری پێناسەی
دێموکڕات لە مەهاباد تیرۆر دەکرێ و کەس ناتوانێ لێپرسینەوەیان لە گەڵدا بکا!(١٩٨٠)
گەلێک
لە کۆمارە جوانەمەرگەکەی مەهابادی دا دو شاعیری نەتەوەیی هەبێ، هەژاریان دەبێتە
شایەری دیوەخانی بارزانی و بۆ دەستخۆشانەی کوشتنی کاک سلێمانی موعینی[7] و ٥٥ هاوڕێی دیکەی بەم شێوەیە
مەدحی بارزانی دەکا:
بۆ
پێشەوە پێشمان کەوە بارزانی
لە
کوردستان تۆمان هەبێ بەسمانی
هێمنی
وەفادار بە نەتەوەکەی ئاوا جوابی ڕەفیقە کۆنەکەی دەداتەوە:
لە
کوردستان ئەومان هەبوو بەس نەبوو
لە
کوردستان کەس وەک ئەو ناکەس نەبوو
خۆم
ئاسایی شاعیر بویت و نەتزانی
ڕێبەر
نەبوو ڕێونکەر بوو بارزانی
لە
ئاکام دا هەژار لە ژێر سێبەری دیوەخانی مەلا تا مردن بە عیزەت و ئیحتڕام ژیا
بەڵام
هێمنی خاوەن شیوەنی ئینسانی لە لایەن دوکتور قاسملوی دێموکڕات! بە هۆی
جیابیری ناسناوی «پیرەجاش»ی بە سەردا سەپا و زیندان و دەست بەسەری بۆ بڕایەوە.
گەلێک
بەناوبانگترین سەرۆکی ڕۆژهەڵاتی دوکتور قاسملو بوە
ئەم
گەلە نارازیە لە جیهان کە بۆچی خەڵاتی ئاشتی نۆبێلیان پێنەداوە؟
دیسان
هەر ئەم گەلە شاهیدە کاتێک کاکی دوکتور لە سەر مێزی وتووێژی ئاشتی لە گەڵ
بەرپرسانی دەرەجە چواری دەسگای ئەمنیەتی ئێران تیڕۆر دەکرێ، دو شەڕی براکوژی بە
سەر کۆمەڵە و حیزبی دێموکڕاتی جیا بۆوە داسەپاندبوو
هەموو
دەرگاکانی گۆفتگۆی لە سەر داخستبون و ئاگربەسی کاتیشی لە گەڵیان قەبوڵ نەدەکرد و
گیانی 1000 پێشمەرگەی کردە قوربانی کەلتوری دەرەبەگایەتی و خۆپەرەستی
گەڵێک
کرماشانەکەی کوردی قسە کردنی لا عەیب و عار بێ و فارسیەکی سەقەتی کرماشانی
دەرخواردی مناڵەکانی بدات؟
گەڵێک
کە دوای چل ساڵ خەباتی سەختی باکور و گیان بەخت کردنی پەنجا هەزار کچ و کوڕی ئاشقی
ئازادی و سەربەرزی نیشتمان؛ ئێستاش نیوەی ئەم گەلە لە هەڵبژاردنەکان دا دەنگی خۆی
ڕەپاڵ دەنگی ئەردۆغان دەخات؟
کە لێی دەپرسی بۆچی دەنگ و هێزی خۆت ناخەیە پاڵ دەنگی برا و
خوشکە کوردەکانت؟
جواب ئەداتەوە ئاکەپە قارداشی دینێ مەیە، دەنگێ خۆ ئەخەینە
پاڵ دەنگێ موسڵمانان. هەر ئەو قارداشەی کورد بە تورکی کێوی ناسکرن!
گەلێک
لە ١٩٩٢ بۆ یەکەمین جار لە مێژووی دا بوو به خاوه نی پارلمانی
باشور و یەکەمین بڕیاری ئەم پاڕلمانەش شەڕی هاوبەش لە گە ل ئەرتەشی تورک بو
لە دژێ گەریلا و قەندیل بە ناوی ساندویچ(بابۆڵە).
خودا
هەناگرێ پێشمەرگە قارەمانەکانیش! بێ هیچ بۆڵەبۆڵێک ئەرکی سەرشانیان بە
کوشتنی سەدان بێریتان بەجێ گەیاند!
گەڵێک
لە بەرانبەرهەر سمایل شەریفزادەیێک دا سەدان کوێخا شەریفی پەروەردە کرد!
لە
بەرانبەر هەر سلێمانی موعینیەک دا سەدان وەهاب ئوتروشی، قالە تەگەرانی و سەدیق
ئەفەندی ڕەوانەی بازاڕی بێشەڕەفی کرد!
گەلێک
لە بەرانبەر هەر ئەمیر حوسێنپورێک دا
سەدان حامید گەوهەری کۆنه ساواکی، ئاوات بەگی عەلیار،
ڕەحیم ڕەشیدی(ئێستر کورد) وعەلی جەوانمەردی(جاسوسی میت و پاراستن) ڕەوانەی بازاڕی
کورد فرۆشی کرد![8]
گەلێک
لە بەرانبەر هەر مامە ڕیشە و موسا قەناسێک دا هەزاران تەحسین شاوەیس، هەباساغا و
قاسماغای پێشکێشی دوژمن کرد!
لە
بەرانبەر هەر ڕووناکبیرێکدا سەدان شایەری دیوەخانی پەروەردە کرد؟
لە
بەرانبەر هەر هونەرمەندێکی نیشتمانپەوەر دا سەدان ئاوات بۆکانی، عەزیز وەیسی و
ئازاد چەقەی پەروەردە کرد!
گەلێک
کە فەرهاد پیرباڵی هونەرمەندی
کەماڵ
مەزهەری مێژوو نوسی
بەختیار عەلی ڕۆمان نوسی،
قوتبەدین
سادقی ماموستای شانۆکاری
بۆ نان و نەوایەک دەستەمۆی سەرۆک خێڵێکی بێسەوادی گرێدراوی داگیرکەران بن و داوای درێژکردنەوەی ماوە بەسەرچوەکەی سەرۆکایەتی مەسعود دەکەن؟
گەلێک
پزیشک و مامۆستای عەلی کەڵەک و عەبدولواحید بێ؟
دیندارەکەی عەبدولەتیف سەلەفی ژن دز بێ؟
سەلاحەدین بەهائەدینەکەی ساحەبی دو دین بێ؟
دێنێکی بۆ ئەردۆغان و دینێکی بۆ یۆسف قەرزاوی بێ؟
گەلێک چاوساغەکانی عەلی باپیر، عەلی تەتەر،عەلی
عەونی،عەلی قەرەداغی و عەلی ناجوامێری بێ
گەلێک
سەرانی هەرێمی زۆنگ و زەلی باشورەکەی خاوەن بیرە نەوت، مۆڵ، کۆمپانیا و حیسابی
میلیاردی لە بانکەکانی قەتەر، ئیمارات و ڕۆژئاوا بن؟
هەژارەکانی
لە ناو پاشماوەی زبڵی شارەکان دا ڕزقی مناڵانیان بدۆزنەوە؟
ناپیاوەکانی
ڕۆژ نەبێ لە ژێر ناوی پاراستنی ناموس چەند کچ و ژنی خۆیان نەکوژن؟[9]
ئەوانەی
هەموو ڕۆژێ بە چاوی خۆیان دەبینن کە پاشماوەی تورک و مەغۆل دەستدرێژی شەڕەف، خاک،
کەلتور، زمان و سامانەکەی دەکەن و نەقەیان لێنایەت و هاوکاریشی دەکەن؟
گەلێک
باوەڕی بە سەد و بیست و چوار هەزار پێغەمبەری جولەکە و عەرەب بێ،
بەڵام زەردەشت تاقانە پێغەمبەرەکەی خۆی بە ئاورپەرەست و
گومڕا بزانێ!
لە جیاتی بیری چاک، وتاری چاک و کرداری چاک، درۆ، دزی،
ڕیابازی و خەیانەت بکاتە ئامرازی درێژەدان بە تەمەنی پڕ لە نەنگ و ڕیسوایی هەزاران
ساڵە!
گەلێک کە لە سەر دەستی خالیدی کوڕی وەلید ئەنفال کرا، پیاوە
ئازاکانی لە خوێن گەوزان و ژن و کچەکانی بە کەنیزە و سەبایا کران،
دوایه
چۆ سەر دینی خالید و ناوی کوڕەکانی نا خالید، حومبەر، به کر، سەعد، حەجاج،
مەعاویە، زه ید، عه مر، عوبێد و عوسمان؟
گۆڕی
داگیرکەرانی وڵاتی کردە زیارەتگا
گۆڕی باپیرە وڵاتپارێزاکانی خۆی تفباران دەکا کە کوژراوی
دەستی خالید و سەعد بوون، بە تەماعی سواربونی ٧٢ حۆری لە دونیای دیکە؟
...
گەلێک
سمایلاغای سمکۆی سیمبولی نەتەوەیی بێ
سەرۆک
خێڵێک کە بۆ ڕازی کردنی داگیرکەرانی وڵات لە پیلانێکی چەپەڵ دا مارشیمۆنی ئاسۆری و
سەد هاوڕێی لە میوانی دا کوشت؟
دەیان تورکی بێتاوانی لە پشت سەری یەکتر ڕیز دەکردن و
تفەنگەکەی پێ تاقی دەکردنەوە تا بزانێ یەک فیشەک لە جەستەی چەند مرۆڤ تێپەڕ دەبێ!؟
سمکۆیەک
دوای گرتنی مەهاباد فەرمانی تاڵانی شاری دا و چەکدارەکانی چاوپۆشیان لە دەرپێی
ژنانیش نەکرد!؟
گەلێک
شانازیەکەی میرمحەمەدی ڕەواندز بێ
ئەو میرە کوێرەی بۆ ڕازی کردنی خەلیفەی عوسمانی هەزاران
کوردی ئیزەدی لە گەڵی عەلی بەگی باشور ئەنفال کردن و ژن و کچەکانی کردن بە کۆیلەی
سێکسی چەتە کوردەکانی و گوڵبژێرەکانیشی بە دیاری ناردن بۆ ئاغا تورکەکانی لە
ئیسلامبول؟
ئەم سەرۆکەی دوسەد ساڵ پێش ئەبوبەکر بەغدادی داعشی کوردی
دامەزراند!
گەلێک
لە ڕۆژهەلات ساحەبی حیزبی دێموکڕات بێ و پێشمەرگەی لە شەڕی نێوخۆیی دا تەجاوەزی
سێکسی بکات بۆ سەر جەنازەی پێشمەرگەی کچی کۆمەڵە[10]
لە باشور خاوەنی پارتی دێموکڕاتێک بێ کە پێشمەرگە
دێموکڕاتەکانی! جەستەی کچە گریلای بریندار و گیانبەخت کردو بکەنە کەرەستەی بەتاڵ
کردنی کێم و زوخاوی سێکسی...
ئەو
گەلەی بۆ پیلاندۆمی(ڕیفڕاندۆم) ئەرۆغان+بارزانی+پانیک کەوتە چەقڵە سەما و قونبادان
و ٩٢٪ی دەنگی بەڵێی کردە پاڵپشتی تاڵانچیانی وڵاتەکەی و ڕووناکبیرانی دژبەری
پیلانەکەی بە جاش ناوزەد کرد!
ئەو
گەلەی بە چاوی خەواڵووی خۆی دیتی داری ڕیفڕاندۆمەکەی لە جیاتی سێوی سەربەخۆیی،
جیقنەموتی لە دەست چونی نیوەی خاک و شکانی شکۆی پێشمەرگەی بەرهەم هێنا؟
هەر
ئەم گەلە، بی هیچ لێکدانەوەییکی لۆژیکی و ئەقڵی، درۆ و چەواشەکاری پارتی و بارزانی
کاویژ ده کرد، که یەکێتی خیانەتی شانزەی ئۆکتۆبەری کردوه و کەرکوکی فروشتوه!
ئەو
گەلەی یەک جاریش پرسیاری بۆ ساز نەبو کە بۆچی لە شەڕی کەرکوک یەکیەتی ٤٧ پێشمەرگەی
کوژرا و ١٠٠ برینداری دا؟
بەڵام لەشکری بارزانی کە شەوێک پێش یەکیەتی کەرکوکی جێهێشت و
وەک شەنگال یەک پێشمەرگەشی لێنەکوژرا، ئەی بە کوێ دا بوو بە پاڵەوانی سەربەخۆیی
کوردستان؟[11]
ئەم
گەلە شوانکارەیە ئێستاش فێری پرسیار، لێکدانەوە و مەنتق نەبوە.
خۆ
منیش دەڵێم یەکیەتی خیانەتی کردوە. بەڵام نە لەبەر جێهێشتنی کەرکوک، بەڵکە بۆ
هۆکاری بە کوشتدانی ٤٧ پێشمەرگە لە پێناو ڕیفڕاندۆمی تورک و بارزانی.
بەڵی
خیانەتی کردوە چونکە بۆتە کلکی بنەماڵەی بارزانی و داگیرکەرانی کوردستان.
ئا،
برا
گەلێک،
هەر
لە نزمی، دابەزین و تاریکی دا ژیابێ
بەرەو
بەرزی و ڕووناکی نەفڕیبێ تاوێ
هەڵۆ بەرزەکانی خۆی بۆ دوشمن خنکاندبێ
ئاغا
و سەرۆک خێڵ مەرجەع و ڕێبەری بێ
دژی
ئیسلاحی زیراعی کەریم قاسم یاغی بوبێ
شەڕەفی
لە ناو کۆشی ژنەکەی دا ون کردبێ
گشت
ژیانی تەقلید بێ و قەت پرسیاری نەکردبێ
گەل نیە، ئۆمەتە. ئۆمەت (
ئۆمەت= لە عەڕەبی دا بە مانای وشترگەل)
ناهومێدی
تەنگی پێهەڵچنبیوم
بێهەدەف
لە ماڵ وەدەر کەوتم
لە
ئێوارەیێکی زەردەپەڕی پاییز
گەییشتمە
سەر گۆڕەکەی هێمن
هێمنەکەی
خاوەن شیوەنی ئینسانی
«گوتم:
کەوابوو ئاشنا بەشی ئێمە لە نێو چوونه
گوتی:
نا نا دوور بنواڕه دوور بنواڕە ئاسۆ ڕوونه»
گوتم:
ئەی شاعیرە گەشبینەکە کوا دڵخۆشی؟
گوتی:
لە تاریکایی شەوی سێی ئابی ٢٠١٤ بە سواری ئەسپەکەی دەروێشی عەبدی[12] دوور لە چاوی فسۆسپاڵەوانەکانی
بارزانی گەییشتمە کێوەکەی شەنگال
لە
لوتکەی چیا پیرۆزەکە هەشت هەڤاڵ بە پیرمەوە هاتن. وتم من هاتووم بۆ لای دوازدە
مامە ڕیشە، ئەی کوا چوارەکەی دیکە؟
وتیان
بە جیا و بە قاچاغی ڕێمان دەبڕی بەرەو شەنگال، کوردێک شوێنی ئەو چوار هەڤاڵەی بۆ
دەسگای پاراستن ئاشکرا کرد. سەد پێشمەرگەی ملشۆڕ گەمارۆیان دان و قۆڵبەستیان کردن
و ڕاپێچی بەندیخانە کران.
وتم
هەڤاڵان، خوشکو برا ئیزەدیەکانم لە خەو دان، بەڵام دوو لایەنی دیکە بەخەبەرن:
پێشمەرگەکان
لە سەر جادە وەک لەشکری قالۆنچە ڕێچکەیان بەستوە بەرەو سەرگوێلکی دیوەخانی بارزانی
لە هەوڵێری هۆلاکۆ بەزێن!
داعشەکان
ڤیاگرای تورکیان لە باغەڵ ناوە بۆ کەنیز، سەبایا و مولکولیەمین و غیلمانی کورد...
هاوارە
هاوارە هاوارە هاوارە هاوارە
دیسان فەرمانە
فەرمانی حەفتا وچوارانە
ئەنفالی
دایک و باب، زارۆک
و کیژ و کوڕی کوردانە
دیسان سەرۆک بارزانی شەریکە
دز و ڕەفیقە کاروانە
لە گەڵ گورگ دوگ دەخوا و لە
گەڵ شوان چاو بە گریانە
هاوار
هاوار هاوارە
هاوارە هاوارە هاوارە
هەی لێ هەی لێ،هەی لۆ هەی لۆ
کوردی لێقەوماو جەرگم
برژاوە بۆ تۆ
...
کازیوەی
بەیانیە
پازدە هەزار پێشمەرگە جێگای خۆیان داوە بە
پێنسەد کەمتیاری برسی
دیبینن
ئەم تەپ و تۆزە؟ دەبیسن ئەم چەق و لورە؟
دەی
ڕۆڵەکانم ، ئەم چیایە حەفتا و سێ جار ئاخرین پەناگای بێپەناکان بوە
ئەمجارە
ئێوە چیا بپارێزن، تا دیسان چیا ئاوارەکان لە باوەش گرێ ...
"کەمتیارەکان
بۆ ڕاوە ئاسکی تینوو و ماندوو گەییشتنە سینگی چیا
بەڵام
لە جیاتی نێچیری ناسک، توشی هەشت شێری جەنگاوەر هاتن
یەکەمین تێکشکانی داعش تۆمار کرا و لە چیا خرانە
خوارەوە
لاوانی
ئیزەدی تێکەڵی بەرخۆدان بوون...
هەشت
شەڕڤانەکە بوونە هەشتا، سەد، هەزار و...
لە
ئاکام دا
"سەد
و چل هەزار کوردی پەنابەری چیای شەنگال لە ئەنفال ڕزگار کران"
...
گوتی:
ئەو
کوردەی هێندە لێی قەڵسی، بە چاوی خۆت دیتت لە ٢٠٢٢ بە فەلسەفەی ژنۆلۆژی و دروشمی "ژن
ژیان ئازادی" گەورەترین شۆڕشی فکری،
کەلتوری و کۆمەڵایەتی سەد ساڵەی ئەخیری گەلانی ئێرانی ٩٠ ملیۆنی بە لوتکە گەیاند
ئەو
کەزی و پرچە جوانانەی وەک ئاڵای ئازادی لە شەقامەکانی کوردستان و ئێران دەشەکێنەوە،
مژدەدەری بەهاری ژن،ژیان و یەکسانیە. داری هاوژیانی گەلان سێوی سوری خۆشەویستی بەرهەم
هێناوە...
وتم
کە وایە
ئەی
ئاشناتر لە هەموو ئاشنایەک
ئیتر
گەلانی ئێران دوشمنی من نین
پشت
و پەنای منن بۆ پچڕاندنی کۆت و بەندی کۆنەپەرەستی،ستەمکاری و هەڵاواردن
برا
و خوشکی منن بۆ ژیان، بۆ ئازادی، بۆ یەکسانی، بۆ نوێخوازی، بۆ گوڵ، بۆ گەنم، بۆ
ئاوەدانی ...
ئیتر
لە ناو گەلانی جیهان دا سەربەرزم
چونکە
ئیتر وەک ساڵی١٩٦١ دژی ئیسلاحی زەوی یاغی نابم، بە دڵ و بە گیان هاوکاری هەر
بزوتنەوەیێکی پێشکەوتنخوازانەی گەلانم. چیدی نابمەوە موجاهیدی هیچ خەلافەتێکی
تاڵانچی و خوێنخۆر
چیدی
نابمەوە کۆیلەی هیچ ئاغا و سەرۆک خێڵێکی داشی ستەمکاران
ئەم
جارە گەلەکەم جێگای شانازی و شکۆیە
چونکە
بنیاتنەر و هەڵگری جوانترین ئاڵایە
ئاڵایەک بە ناوی "ژن،ژیان،ئازادی"
گوتم:
ئەی شاعیرەکەی تاریک و ڕوونی ژیان
کە ڕووناکت کردەوە دڵ و دەرونی پڕ لە ژان
لە
سەر هەمو کەژ و کێو و چیای کوردستان
دەچریکێنم ئەم هەڵبەستەی چەوساوەکان
" من پهروردهی بن سێبهری
ئهشکهوتم
گهلێک جاران له چاڵاوی ڕهش کهوتم
هاتمه دهرێ، ههدام نهدا ، نهسرهوتم
دهڕۆم بهرهو ئاسۆ، بهرهو ئاسۆی ڕوون
دهڕۆم ، دهڕۆم تا ترۆپکی ڕزگار بوون"
پەراوێز:
[1] - ئاخرئن پاشای ماد کە بە خیانەتی هارپاک لە دەستی کورۆش شکستی
خوارد و لە ئاکام دا دەوڵەتی ماد لەناو چوو
[2] - سید
مسعود سعیدی - زندگی نامه عارف
شهید حضرت شیخ بابا سعید برزنجی ––چاپ اول 1396 صفحه 63
[5] - لە ٣ی ئابی ٢٠١٤ بە هۆی هەڵاتنی ١٥٠٠٠ پێشمەرگەی قارەمان! لە بەرانبەر هێرشی ٥٠٠ چەکداری داعش، ٦٣٠٠ کچ و ژنی کوردی ئیزەدی کرانە کۆیلەی سێکسی چەتە بۆگەن و ڕیشچڵکنەکانی داعش و ئەردۆغان. http://www.anfalistan.com/2016/06/13
[6] - ئاستی وێرانکاری لە شنگال
- 430 هەزار كەس ئاوارەبوون
140- هەزاریان روویانکردە چیای شنگال
290- هەزاریان چوونە شار و شوێنانی دیکەی باشووری كوردستان
6- هەزار كەی بێسەروشوێن بوون
3455- ئافرەت
2800- پیاو
65- هەزار کەس بوونەتە پەنابەر
- هەزار و 800 کەس کۆمەڵکوژکران
400-کەسیان تەنیا لە گوندی کۆچۆ
- کۆمەڵکوژی لە 25 شوێن کرا
21- گۆڕی بەکۆمەڵ دۆزراونەتەوە
- 2745 -منداڵ بێ دایک و باوک بوون
- 600 منداڵ و پیر
لەڕێگەی چیای شنگال گیانیان لەدەستدا
https://www.rudaw.net/sorani/kurdistan/0308201613
[8] -
ڕەحیم ڕەشیدی(مسترکورد ) پارە لە روداو وەر دەگری بەڵام علی پارە لە پاراستن و میت
وەردەگرێ. بەڵگەش قسەکانی ریبازگەردی لیانپرسی علی جەوانمەردی چەکارەیە ووتی لەگەل
ئێمە بوو پاراستن و میت هانیاندەدا قسە لەسەر پەکەکەو پەژاک و لاهور شیخ جەنگی بکات.
[10] - بەشێک لە گیانبەختکردوانی شەڕی براکوژی مرگوری ورمی سالی 1985
دەستخەتی
دکتور قاسملو بۆ شەڕی براکوژی لە دژی کۆمەڵە
[11] - ئه مه نه خشه ی
باشوری کوردستانه. یه کیه تی و پارتی پیکه وه نیوه ی
خاکه که یان کرده قوربانی رفراندومی بارزانی + تورکیا
لە ڕاستەوە: مەسعود
بارزانی، جەعفەر سەحراڕوودی بکوژی دوکتور قاسملو، مەسعود بارزانی، عەلی جەوانمەردی
ئاڵوەتان ئەو جێگایەیە کە (هێمن ئەحمەد هۆرێنی)
ساڵی ۱۹۸۲ لە مانگی ئۆکتۆبەردا هێزەکانی یەکێتی نیشتمانی کوردستان دەچنە
هاوکاری پێشمەرگەکانی حیزبی دیموکراتی کوردستانی ایران
ئەوکات سوپای پاسداران تەنگی بە پێشمەرگە هەڵچنی بوو _
هێزی پشتیوان کە کۆمەڵێك کوڕی مەیدانی
خوێن گەرم بوون ، لە ڕزەکانی یەكێتی بە هەستکردن بە ئەرکی هاو خوێنی هاو زمانی
و نەتەوەیی
دەچنە هاوکاری برا پێشمەرگەکانیان لەناوچەی سەردەشت ، ئەو کات ملازم عمر
سەرپەرشتی ئەو هێزەی یەکێتی نیشتمانی کوردستان دەبێت
یەکێ لەو لاوە جوانە هەڵبژاردانە کە
لە مەیدانی شەڕەکەدا ، ڕۆڵێکی کارای دەبێت کاک سەلامی کوێخا عزیزە _
کە ئەو کات لەهەڕەتی لاوی و جوانیدا بووە ـ
ئەو ڕۆژگارە _
لێرەدا هەر وەسف و سەنای زیندوەکان .
لازم نیە ، بە باشی ئەزانم ناوی کۆمەڵێک لەو گیان بەختکردوانە بنوسین کە
دەستمان کەوتووە
بۆ ئەوەی ناویان بە زیندووی بمێنێتۆ
شەهیدانی ڕیزەکانی یەكێتی نیشتمانی کوردستان لە ئەڵوەتان
یەکەم _
تالب عومەر شریف ۱۹٥۹ سلێمانی چوارتا پێشمەرگەی تیپی ۳۷ ی شارباژێڕلە ۲٥ ی ۱٠ ی ۱۹۸۲ شهید کراوە لە
کونە مشک
دووهەم
حوسێن داود ڕەشید ۱۹٥۳
پێشمەرگەی تیپی ٥۱ ی گەرمیان ڕۆژی ۲۲ ی ۱٠ی ۱۹۸۲ شهید کراوە لە نزیک ئاڵوەتان
سێهەم _
حوسێن مستەفا ڕەسووڵ ۱۹٥۷ بنگرد پێشمەرگەی تیپی ٤۷ ی پیرە مەگرون لە ڕۆژی ۱٤ ی
۱٠ ی ۱۹۸۲ شهید کراوە لە ڕەبەت
چوارهەم
سەردار حوسێن عبدڵا ۱۹٥۸ هەولێر پێشمەرگەی تیپی ۸۳ ی هەورێ ڕۆژی ۲۲ی ۱٠ ی ۱۹۸۲
شهید کراوە لە ڕۆژهەڵاتی کوردستان
پێنجەم
سەعدی بکر بایز تەوێڵە هەڵەبجە پێشمەرگەی تیپی ۱۱ی هەورامان
ڕۆژی ۱۷ ی ۱٠ ی ۱۹۸۲ شهید کراوە لە کونەمشک
شەشەم
عدنان عومە ر ڕسوڵ ۱۹٥۷ کرکوک پێشمەرگەی کەرتەی یەکی ساڵەیی تیپی ۲۱ کرکوک
ڕۆژی ۱۷ ی ۱٠ی ۱۹۸۲ شهید کراوە لە کونەمشک
حەوتەم
عومەر محمد علی
۱۹٦٤ هەڵبجە پێشمەرگەی تیپی ۱۱ی هەورامان ڕۆژی ۱۷ ی ۱٠ی ۱۹۸۲ شهید
کراوە لە کونە مشک
هەشتەم _
عێزەدین محێدین محمد ۱۹٥۹ سلێمانی قەڵادزێ پێشمەرگەی تیپی ۱۱ی هەورامان ڕۆژی
۹ی ۱٠ ی ۱۹۸۲ شهید کراوە لە ئاڵوەتان
نۆهەم
فاتیح ڕەئوف ڕەحیم سەنگاوی ۱۹٦٦ / سلێمانی سەنگاو پێشمەرگەی کەرتی سێی هەمەوەندی تیپی ٥۷ ی سەگرمە ڕۆژی ۲۳ ی ۱٠
ی ۱۹۸۲ لەسەر شاخی کونە مشک _شهد کراوە
دەهەم
فاتح مستەفا امین ۱۹٤۹ / سیروان دوجەیلە پێشمەرگەی تیپی ۱۱ی هەورامان ڕۆژی ۱۷ ی ۱٠ی ۱۹۸۲ لە ئاڵوەتان
شهید کراوە
یانزە
فەیسەڵ علی حسن ناسراو بە فیسڵ ملا علی ۱۹٥۷ هەڵەبجە
پێشمەرگەی تیپی ۱۱ی هەورامان ڕۆژی ۱۷ ی ۱٠ی ۱۹۸۲ لە کونەمشک شهید کراوە
دوانزە
محمد خدر سعید کفری پێشمەرگەی تیپی ٥۱ ی گەرمیان
ڕۆژی ۲۲ی ۱٠ی ۱۹۸۲ شهید کراوە
سیانزە
مستەفا علی معروف سلێمانی هۆندەرێنە پێشمەرگەی تیپی ۳۳ی سلێمانی ڕۆژی ۱٤ ی ۱٠
ی ۱۹۸۲ شهیدا کراوە لە ئاڵوەتان
چواردە
نەزیر واحید محمد ۱۹٦٦ هەولێر باڵەک پێشمەرگەی تیپی ۱۲ ی سۆران ڕۆژی ۲۲ ی ۱٠ی ۱۹۸۲ شهید کراوە هەر
لەڕۆژهەڵاتی کوردستان
ئەوەی لە نێوان ناوەکاندا سەرنجی ڕاکێشام کۆتا ناوە نەزیر واحید کە تەمەنی زۆر
منداڵ بووە شانزە ساڵ بۆ بەرەکانی شەڕ هەر زۆر منداڵە / دەبێت لەکاتی هەواڵی شهید
بوونی کوڕەکەیان چ هەست و احساسێکیان هەبوو بێت باوک و دایکی
یادی هەموو گیان بەختکردوان بەرزو پیرۆز و سەلامەتی بۆ هەموو جەنگاوەرە خۆ
نەویستەکان و کاک سلام دەخوازم
تێبینی لەشەڕی ئاڵوەتاندا لە هاوکاری (حدکا )دا نزیک بە پەنجا پێشمەرگەی
یەکێتی شهید بوون و گیانیان بەخت کردوە ، نزیک بە چل و پێنج چەکداری قیادە
موەقەتەی پارتیش لە هاوکاری سوپای پاسدارانی ایرانا کوژراون ئێساش کەس و
کارەکانیان لە مەلاکانی ایران پارەکەیان وەرەگرن وە ناوی شهیدانەوە ،
گوتم با هەر بزانن خاسە……………………
هێمن ئەحمەد هۆرێنی
نظرات
ارسال یک نظر